Манай цэцэрлэг анх 1962 онд Ерөөгийн модон заводыг түшиглэн байгуулагдаж байсан түүхтэй . 2022-2023 оны хичээлийн жилд 8 бүлэгт 249 хүүхдийг хүлээн авч 39 багш ажилтантайгаар сургуулийн өмнөх боловсрол олгох сургалтын үйл ажилагааг явуулж байна. Мэргэжлийн багшийн хангалт 90% , мэргэжлийн зэрэгтэй багшийн эзлэх хувь – 55% -тай байна.
Хичээлийн 2 байртай. Цэцэрлэгийн 1-р байранд 3 бүлэгт 100 хүүхэд , 2-р байранд 5 бүлэгт 150 хүүхэд сурч хөгжиж байна.
2022-2023 оны хичээлийн жилд манай хамт олон :
-
Цэцэрлэгийн насны бүх хүүхдийг боловсролын үйлчилгээнд тэгш хамруулж , СӨБ-ын хамран сургалтыг нэмэгдүүлэх
-
Багш бүр хичээл , сургалтын үйл ажиллагааг заах аргын нэгдэл , багаар хамтран оновчтой төлөвлөн бэлтгэлийг хангаж , суралцахуйн зорилтыг хэрэгжүүлж , ээлжит хичээл бүрийг хүүхдийн ялгаатай байдал хэрэгцээ сонирхлыг харгалзан , адил тэгш оролцоотойгоор үр өгөөжтэй зохион байгуулах
-
Багш ажлын байрандаа мэргэжлээ тасралтгүй дээшлүүлэх , заах арга зүй , ур чадвараа хөгжүүлэн , мэргэжил арга зүйгээ дээшлүүлэх
-
Хүүхдийн сурлага , хүмүүжил хөгжил , төлөвшил хамгааллын асуудлаар эцэг эх ,асран хамгаалагчтай хамтран ажиллах гэрээ байгуулж , тэдний үүрэг хариуцлагыг нэмэгдүүлэх чиглэлээр санаачлагатай ажиллаж , хүүхдийн хөгжил төлөвшилд тодорхой ахиц гаргах
-
Цэцэрлэгийн орчныг аюулгүй байдлын стандарт , шаардлагад нийцүүлэх , болзошгүй эрсдлээс урьдчилан сэргийлэх ажлыг үр дүнтэй зохион байгуулж , дотоод хяналт шалгалтын үйл ажиллагааг тогтмолжуулна.
-
Сургалт хүмүүжлийн байгууллагад мөрдөх эрүүл ахуй халдвар хамгааллын дүрмийг мөрдөн ажиллаж бага насны хүүхэд халдварт өвчнөөр өвчлөхөөс сэргийлэн ажиллана зорилтыг дэвшүүлэн ажиллаж байна.
2022 оны 8 дугаар сард Цэцэрлэг үүсэн байгуулагдсаны түүхт 60 жилийн ойгоо тэмдэглэн өнгөрүүлсэн. Ойн хүрээнд байгууллагын засвар үйлчилгээ , бага насны хүүхдийн сурч , хөгжих ая таатай орчин бүрдүүлэхэд тохижилтын олон ажлуудыг хийж гүйцэтгэлээ.
Чадварлаг – багш хөтөлбөрийн хүрээнд багш нарын мэдлэг боловсролыг дээшлүүлэх сургалтанд хамруулан ажиллаж байна.
